الرئيسية
ياونة ونيتها من خوى الراس
= من لاهب بالكبد مثل السعيره
ونين من رجله غدت تقل مقواس
= ويون تالي الليل يشكي الجبيره
ويا حمس قلبي حمس بن بمحماس
= وياهشم حالي هشمها بالنجيره
ويا وجد حالي يا ملا وجد غراس
= يوم أثمرت وأشفا صفا عنه بيره
من ثمر قلبي سرى هجعة الناس
= متنحر درب عسى فيه خيره
الله يفكه من بلا سو الأتعاس
= ومن شر عبثات الليالي يجيره
فى ديرة تقطعت عنه الأرماس
= سبعين يوم للركايب مسيره
لا والله إلا حال من دونه الياس
= حط البحر والبر دون الجزيره
علق بسلوان وراء العين والطاس
= وقلبي على فرقاه تسمع فريره
يالله ياللي رد من عقب ما ياس
= يوسف على يعقوب وأبصر نظيره
ترد عليّ ادباس يا محصي الناس
= يا عالم ما بالخفا والسريره
يا دباس أنا بوصيك عن درب الأدناس
= ترى الذي مثلك يناظر مسيره
عليك بالتقوى ترى العز يا دباس
= فى طاعة اللي ما ينجيك غيره
هذي ثمان سنين من رحت يا دباس
= لا رساله جتني ولا من بريره
يا دباس من عقبك ترى البال محتاس
= وعليك دمع العين حرق نظيره
وعليك كنى فى دجا الليل حراس
= أصبح على حيلي وعيني سهيره
أصبح أنا ما بين طاري وهوجاس
= وطواري تطري علينا كثيره
مثل الوحش قلبي على كف حباس
= يكفخ كما طير اسبوقه قصيره
متحير من عيله البيت يا دباس
= أرجى ثواب الله وأخشى المعيره
أخاف من حكي العداء ثم الأنجاس
= أهل الحكايا الطايله والقصيره
ويقال خلا عيلته عن نزا الراس
= أقفا وخلا عيلة له صغيره
وإلا فنا يا بوك قطاع الأرماس
= ما ني بمثبور أو رجلي كسيره
أصلك لو دونك نبا حمر الأطعاس
= الصلب والصمان ما هي عسيره
مهالك مدارك ما بها أوناس
= إلا الثعل والبوم تسمع صفيره
لو كنت فى نزوى وديرة بني ياس
= أهل الموازى والوجيه الغبيره
عبادة الاصنام شرابة الكاس
= الخمر والتنباك فيها وغيره
لاركب على وجنا من الهجن عرماس
= فج النحر يا دباس حمرا ظهيره
متروسه الفخذين مزبورة الراس
= كن الخلاص اعيونها يوم أديره
يا شبه ربدا تخفق بالأوناس
= وإن رفعت جنحانها مستذيره
تنشر من العوده على نور الأنفاس
= عند الفجر والليل مقفي مريره
والعصر بالصمان تسمع لها اضراس
= حبل الرسن خطر تبتر جريره
ونهار ثالث بين حما والأوراس
= وراي أمك جعلها لك سفيره
ثم على ساجيه تقلب الراس
= تمشي بأهلها فالبحور الغزيره
إلى مسقط الفيحاء بها الخير محتاس
= لولا الكفر والشرك ياوي ديره
فيها الطبيخ وراهي الخبز يا دباس
= يقعد خوى الراس خنه خميره
هى ديرة اللي باغى كيفة الراس
= ولا له حد همه من الناس غيره
هيس ولد هيس للصحاف لحاس
= يفرح إلى نيدى لذبح النحيره
ذا ما قفك يا دباس ما فيه نوماس
= يصلح لقين مهنته طق زيره
ترى الفداوي دون وأنت انشدالناس
= راعيه ما يذكر بخير وغيره
ما له سوى طق الحنك منه والياس
= وإلى انقطع خرجه فلا له ذخيره
طلب المعيشه بالحراثه والأجناس
= المشتري والبيع يوصف وغيره
قم انهض العيرات مع كل فراس
= يا دباس دور خير تستشيره
جدك وعمانك هل العز والباس
= أهل اللوازم مكملين القصيره
يا دباس ما يصبر على البق والحاس
= إلا الذي ما له بنجد عشيره
واليوم يا مروي شبا كل عباس
= أنت الرجا يا كعام وجيه المغيره
عشرين عام كلها أرجيك يا دباس
= مثل الغرير اللي تولع بطيره
عد المناكب هيلع فرخ قرناس
= يمناه فى لطم الحباري شطيره
عانق خلوج روحت عقب مرواس
= عند العصير لبيضها مستذيره
والليل جاه وحال من دونه الياس
= وروحه على فرقاه فرت فريره
يا دباس أنا يا بوك ما نيب بلاس
= مير إن عيلات الرفاقه كثيره
جنبت وسط السوق وأمشي مع الساس
= وأخذ شوي الحق وأترك كثيره
يا دباس لو جبت لى من دحب الأكياس
= مختلفه ما بين زر ونيره
مالي بها يا جعلها بألف قباس
= ويعلها تذهب ولو هي كثيره
يا دباس قلبي كل ما هب نسناس
= شرقية هبت بقلبي سعيره
والحال يا فرز الوغى مسها الباس
= عليك يا ناطح اوجيه المغيره
وغصون قلبي يا فتى الجود يباس
= غادي أنا يا بوك كني هشيره
من شافني بيقول ذا فيه لساس
= "واللي برى حالي إلهي خبيره
لا وعلا من قبل غوال الأنفاس
= ومفارق الدنيا يجينا بشيره
عسى يطق الباب والناس غطاس
= يا والي القدره عليك اتعبيره
وصلاة ربي عد ما هب نسناس
= على النبي عدة احقوق المطيره
وهذا مرد ابنه دباس عندما وصلته قصيدة والده :-
حي الجواب اللى لفانا من الراس "=" جابه غلام ما توانا مسيره
أهلا هلا به عدد ما حبك قرطاس "=" أو ما كتب فوقه بيوه شطيره
جواب منه لى مود من الناس "=" أبوى ما يوصف حلى لغيره
فرز الوغى كنه على الوكر قرناس "= " وقروم ربعه كلها تستشيره
دليل عيرات إلى هب نسناس "= " ثم إدلهم الجو وما به ذخيره
مهفي الغنم لأهل الركاب والأفراس "=" لا روحوا بيته عليهم قصيره
راعي معاميل بها العبد جلاس "=" البن يشرى بالسنين العسيره
هذي بمركها وهذي بمحماس "=" وهذي يصيبه للوجيه السفيره
وخلاف ذا يا راكب فوق عرماس "=" مامونة من نقوة الهجن عيره
حمرا وهي فى سنها وقم الأسداس "=" متوسط لا فاطر ولا هى صغيره
ما هي لحوح راكبه بالعصى قاس "="حرم عليها غير شيل النقيره
والخرج هو وبيوت قيل بقرطاس "=" مع مزهب الأيام ما هي كثيره
وفوقه غلام منوته قطع الأرماس "=" لو هو بليل ما تغير نظيره
وإلى لفيت الدر فاجهر بالإحساس "=" وبلغ سلامي كل ذيك العشيره
واختص أبوي اللي نفل جملة الناس "=" وخصه بعلم وقل تراني بشيره
لا يا نقي العرض يا بوي لا باس "=" كانك تشكي الضيم فأنا أسيره
وإن سايلك عني تراني بنوماس "=" وأنا أحمد اللي ما توصلت غيره
الحمد لو يشرى شريناه بأكياس "=" بأموالنا نرخص ندور الستيره
مطرق فرنجي مضاريبه الراس "=" ومصلبخ حبته عسانى ذخيره
من صنع نصراني يشرب الكاس "=" يذكر ورى جاوه بعيد مسيره
أبغيه للي حادينك على الساس "=" أهل النمايم والحكايا الكثيره
ربع نووا فيك الردا والتخساس "=" مهبول ياللي قال غايب عشيره
على دين لودع الجمع ينحاس "=" لين العشير يقوم يلعن عشيره
يا بوي أنا ما رحت لكيفة الراس "=" مع ذا ولاني فى سفاه وغيره
إما سكنا الدار من غير هوجاس "=" وإلا نعاف الدار وندور غيره
كله لعينا كلمة قلت يا دباس "=" تشكي وأنا دوني بحور غريزه
هذا لك يمين الشرع قطاع الأنفاس "=" إنه فلا جاني علوم بصيره
لانب جاني ولا حبر بقرطاس "=" أيضا ولا جتني علوم سفيره
إن كان تشكي الضيق يا بوي لا باس "=" جاك الفرج يا بوي هو والبريره
ولا فأنا يا بوي قطاع الأرماس "=" أصبر على الشده ولو هي عسيره
يا مسندي يا بوي شوف أوكد الناس "=" ثم انشده قل ويش هو فى مسيره
إن كان ما يفرج صديقك بنوماس "=" تحرم علينا اللى نهوده صغيره
مدلول مجهول زهى زين الألباس "=" بنت الذي يثني إلى جت كسيره
طار يقول اظهر وطار بجلاس "=" وقمت أشرب التنباك وأثره معيره
وأبغى عسى الله يبرد القلب يا ناس "=" من لاهب شبت بقلبي سعيره
ومن كان له غايب فلا يقطع الياس "=" إن قدر الله جاب علمه بشيره
=====================
= من لاهب بالكبد مثل السعيره
ونين من رجله غدت تقل مقواس
= ويون تالي الليل يشكي الجبيره
ويا حمس قلبي حمس بن بمحماس
= وياهشم حالي هشمها بالنجيره
ويا وجد حالي يا ملا وجد غراس
= يوم أثمرت وأشفا صفا عنه بيره
من ثمر قلبي سرى هجعة الناس
= متنحر درب عسى فيه خيره
الله يفكه من بلا سو الأتعاس
= ومن شر عبثات الليالي يجيره
فى ديرة تقطعت عنه الأرماس
= سبعين يوم للركايب مسيره
لا والله إلا حال من دونه الياس
= حط البحر والبر دون الجزيره
علق بسلوان وراء العين والطاس
= وقلبي على فرقاه تسمع فريره
يالله ياللي رد من عقب ما ياس
= يوسف على يعقوب وأبصر نظيره
ترد عليّ ادباس يا محصي الناس
= يا عالم ما بالخفا والسريره
يا دباس أنا بوصيك عن درب الأدناس
= ترى الذي مثلك يناظر مسيره
عليك بالتقوى ترى العز يا دباس
= فى طاعة اللي ما ينجيك غيره
هذي ثمان سنين من رحت يا دباس
= لا رساله جتني ولا من بريره
يا دباس من عقبك ترى البال محتاس
= وعليك دمع العين حرق نظيره
وعليك كنى فى دجا الليل حراس
= أصبح على حيلي وعيني سهيره
أصبح أنا ما بين طاري وهوجاس
= وطواري تطري علينا كثيره
مثل الوحش قلبي على كف حباس
= يكفخ كما طير اسبوقه قصيره
متحير من عيله البيت يا دباس
= أرجى ثواب الله وأخشى المعيره
أخاف من حكي العداء ثم الأنجاس
= أهل الحكايا الطايله والقصيره
ويقال خلا عيلته عن نزا الراس
= أقفا وخلا عيلة له صغيره
وإلا فنا يا بوك قطاع الأرماس
= ما ني بمثبور أو رجلي كسيره
أصلك لو دونك نبا حمر الأطعاس
= الصلب والصمان ما هي عسيره
مهالك مدارك ما بها أوناس
= إلا الثعل والبوم تسمع صفيره
لو كنت فى نزوى وديرة بني ياس
= أهل الموازى والوجيه الغبيره
عبادة الاصنام شرابة الكاس
= الخمر والتنباك فيها وغيره
لاركب على وجنا من الهجن عرماس
= فج النحر يا دباس حمرا ظهيره
متروسه الفخذين مزبورة الراس
= كن الخلاص اعيونها يوم أديره
يا شبه ربدا تخفق بالأوناس
= وإن رفعت جنحانها مستذيره
تنشر من العوده على نور الأنفاس
= عند الفجر والليل مقفي مريره
والعصر بالصمان تسمع لها اضراس
= حبل الرسن خطر تبتر جريره
ونهار ثالث بين حما والأوراس
= وراي أمك جعلها لك سفيره
ثم على ساجيه تقلب الراس
= تمشي بأهلها فالبحور الغزيره
إلى مسقط الفيحاء بها الخير محتاس
= لولا الكفر والشرك ياوي ديره
فيها الطبيخ وراهي الخبز يا دباس
= يقعد خوى الراس خنه خميره
هى ديرة اللي باغى كيفة الراس
= ولا له حد همه من الناس غيره
هيس ولد هيس للصحاف لحاس
= يفرح إلى نيدى لذبح النحيره
ذا ما قفك يا دباس ما فيه نوماس
= يصلح لقين مهنته طق زيره
ترى الفداوي دون وأنت انشدالناس
= راعيه ما يذكر بخير وغيره
ما له سوى طق الحنك منه والياس
= وإلى انقطع خرجه فلا له ذخيره
طلب المعيشه بالحراثه والأجناس
= المشتري والبيع يوصف وغيره
قم انهض العيرات مع كل فراس
= يا دباس دور خير تستشيره
جدك وعمانك هل العز والباس
= أهل اللوازم مكملين القصيره
يا دباس ما يصبر على البق والحاس
= إلا الذي ما له بنجد عشيره
واليوم يا مروي شبا كل عباس
= أنت الرجا يا كعام وجيه المغيره
عشرين عام كلها أرجيك يا دباس
= مثل الغرير اللي تولع بطيره
عد المناكب هيلع فرخ قرناس
= يمناه فى لطم الحباري شطيره
عانق خلوج روحت عقب مرواس
= عند العصير لبيضها مستذيره
والليل جاه وحال من دونه الياس
= وروحه على فرقاه فرت فريره
يا دباس أنا يا بوك ما نيب بلاس
= مير إن عيلات الرفاقه كثيره
جنبت وسط السوق وأمشي مع الساس
= وأخذ شوي الحق وأترك كثيره
يا دباس لو جبت لى من دحب الأكياس
= مختلفه ما بين زر ونيره
مالي بها يا جعلها بألف قباس
= ويعلها تذهب ولو هي كثيره
يا دباس قلبي كل ما هب نسناس
= شرقية هبت بقلبي سعيره
والحال يا فرز الوغى مسها الباس
= عليك يا ناطح اوجيه المغيره
وغصون قلبي يا فتى الجود يباس
= غادي أنا يا بوك كني هشيره
من شافني بيقول ذا فيه لساس
= "واللي برى حالي إلهي خبيره
لا وعلا من قبل غوال الأنفاس
= ومفارق الدنيا يجينا بشيره
عسى يطق الباب والناس غطاس
= يا والي القدره عليك اتعبيره
وصلاة ربي عد ما هب نسناس
= على النبي عدة احقوق المطيره
وهذا مرد ابنه دباس عندما وصلته قصيدة والده :-
حي الجواب اللى لفانا من الراس "=" جابه غلام ما توانا مسيره
أهلا هلا به عدد ما حبك قرطاس "=" أو ما كتب فوقه بيوه شطيره
جواب منه لى مود من الناس "=" أبوى ما يوصف حلى لغيره
فرز الوغى كنه على الوكر قرناس "= " وقروم ربعه كلها تستشيره
دليل عيرات إلى هب نسناس "= " ثم إدلهم الجو وما به ذخيره
مهفي الغنم لأهل الركاب والأفراس "=" لا روحوا بيته عليهم قصيره
راعي معاميل بها العبد جلاس "=" البن يشرى بالسنين العسيره
هذي بمركها وهذي بمحماس "=" وهذي يصيبه للوجيه السفيره
وخلاف ذا يا راكب فوق عرماس "=" مامونة من نقوة الهجن عيره
حمرا وهي فى سنها وقم الأسداس "=" متوسط لا فاطر ولا هى صغيره
ما هي لحوح راكبه بالعصى قاس "="حرم عليها غير شيل النقيره
والخرج هو وبيوت قيل بقرطاس "=" مع مزهب الأيام ما هي كثيره
وفوقه غلام منوته قطع الأرماس "=" لو هو بليل ما تغير نظيره
وإلى لفيت الدر فاجهر بالإحساس "=" وبلغ سلامي كل ذيك العشيره
واختص أبوي اللي نفل جملة الناس "=" وخصه بعلم وقل تراني بشيره
لا يا نقي العرض يا بوي لا باس "=" كانك تشكي الضيم فأنا أسيره
وإن سايلك عني تراني بنوماس "=" وأنا أحمد اللي ما توصلت غيره
الحمد لو يشرى شريناه بأكياس "=" بأموالنا نرخص ندور الستيره
مطرق فرنجي مضاريبه الراس "=" ومصلبخ حبته عسانى ذخيره
من صنع نصراني يشرب الكاس "=" يذكر ورى جاوه بعيد مسيره
أبغيه للي حادينك على الساس "=" أهل النمايم والحكايا الكثيره
ربع نووا فيك الردا والتخساس "=" مهبول ياللي قال غايب عشيره
على دين لودع الجمع ينحاس "=" لين العشير يقوم يلعن عشيره
يا بوي أنا ما رحت لكيفة الراس "=" مع ذا ولاني فى سفاه وغيره
إما سكنا الدار من غير هوجاس "=" وإلا نعاف الدار وندور غيره
كله لعينا كلمة قلت يا دباس "=" تشكي وأنا دوني بحور غريزه
هذا لك يمين الشرع قطاع الأنفاس "=" إنه فلا جاني علوم بصيره
لانب جاني ولا حبر بقرطاس "=" أيضا ولا جتني علوم سفيره
إن كان تشكي الضيق يا بوي لا باس "=" جاك الفرج يا بوي هو والبريره
ولا فأنا يا بوي قطاع الأرماس "=" أصبر على الشده ولو هي عسيره
يا مسندي يا بوي شوف أوكد الناس "=" ثم انشده قل ويش هو فى مسيره
إن كان ما يفرج صديقك بنوماس "=" تحرم علينا اللى نهوده صغيره
مدلول مجهول زهى زين الألباس "=" بنت الذي يثني إلى جت كسيره
طار يقول اظهر وطار بجلاس "=" وقمت أشرب التنباك وأثره معيره
وأبغى عسى الله يبرد القلب يا ناس "=" من لاهب شبت بقلبي سعيره
ومن كان له غايب فلا يقطع الياس "=" إن قدر الله جاب علمه بشيره
=====================
