ابوذيات للشاعر اسماعيل الراوي

ابوذيات للشاعر الرائع اسماعيل الراوي انقلها لكم عسى ربي يخليه لمحبيه
[center]1-
ترف بوّل هواكم عال علتني
اوسط درب المحبه عل علتني
بنهاية درب حبك عل عَلَتني
جفوف الموت,, ماتدناهه اديه


2-الك خبره بعذابي انت والك فن
كتلتني وحظّي بفراگك ولك فان
اشگ اللحد لو تگرب والاكفان
وتعود الروح يالغالي اليه


3-رهن شورك يشاعرنا واعينك
ولا ترمش احاسيسك وعينك
رمز للخوّه انت اتظل وعَينك
امير الطيب والود والحمية


4-
على الزينه جميع عضاي تهتال
ودموع العين عالوجنات تهتال
يكَلبي من بعد هه ابيده ته تال
وحيد وعبرتك تروي الوطيه

5-بعطش وسط الفيافي وكتله : رًد مـــــــاي
كتلني بسيف طرفه وناوي رد مـــــــــــــــاي
اذا اللال بصحاري بيوم رد ماي
ترد الروح من حبك بريــــــــــــــــــــــــــــه